Ապրիլի 1-ից կարգելվի աջ ղեկով մեքենաների ներմուծումն ու գրանցումը. Կառավարությունը հաստատեց

 

 

Ըստ ոստիկանության եւ ապահովագրական ընկերությունների տվյալների, աջ ղեկով մեքենաների մասնակցությամբ վթարների քանակը տոկոսային հարաբերությամբ մոտ 28 տոկոսով ավելի է, իսկ վթարներից վիրավորների քանակը մոտ 39 տոկոսով է ավելի, ինչը շատ բարձր թիվ է: Այս մասին, այսօր՝ հունվարի 11-ին, կառավարության նիստում հայտարարել է ՀՀ տրանսպորտի կապի եւ տեղեկատվական տեխնոլոգիաների նախարար Վահան Մարտիրոսյանը՝ ներկայացնելով նախագիծ, ըստ որի՝ Հայաստանում ապրիլի 1-ից կարգելվի աջակողմյան ղեկային համակարգով մեքենաների հաշվառումը եւ շահագործումը:

Նա, իր խոսքում, մասնավորապես, նշեց. «1968 թվականի Վիեննայի կոնվենցիային համապատասխան, ճանապարհային երթեւեկության անվտանգության ապահովման մասին ՀՀ օրենքի համաձայն ՀՀ-ում սահմանված է աջակողմյան երթեւեկություն: Դրանով պայմանավորված, Հայաստանում կանոնները սահմանված են ձախակողյան ղեկային կառավարմամբ մեքենաների երթեւեկությանը համապատասխան: Բացի այդ, մյուս տեխնիկական միջոցները, ճանապարհային նշանները, գծանշումները, լուսացույցերը տեղակայված են հաշվի առնելով ձախակողմյան ղեկային համակարգով մեքենայի վարորդի համար տեսանելի եւ ընկալելի լինելու հանգամանքը:

Հետեւաբար, աջակողմյան ղեկային համակարգով մեքենաների երթեւեկությունը վտանգ է ներկայացնում ճանապարհային երթեւեկության անվտանգության համար:

Հետեւաբար, նախատեսվում է արգելել աջակողմյան ղեկային համակարգով մեքենաների հաշվառումը եւ շահագործումը 2018 թվականի ապրիլի 1-ից: Նշված սահմանափակումը չի տարածվելու մինչեւ ապրիլի 1-ը ներմուծված աջակողմյան ղեկով մեքենաների սեփականատերերի սեփականության իրավունքի վրա եւ վերջիններս, ըստ նախագծի կարող են ազատ շահագործել, հաշվառել եւ վերահաշվառել իրենց սեփականության իրավունքով պատկանող մեքենաները»:

Նա նաեւ նշեց, որ մինչեւ ապրիլի 1-ը նեևրմուծած մեքենան կարող են ազատ շահագործել, գրանցել, հաշվառել, վերահաշվառել, վաճառել եւ այլն:

ՀՀ փոխվարչապետ Վաչե Գաբրիելյանը իր հերթին նշեց, որ հարկ է նաեւ օրենսդրական սահմանափակումներ մտցնել ներմուծման վրա. «Խնդրում եմ պատրաստել համապատասխան օրինագիծ եւ ներկայացնել կառավարությանը, որ ներկայացնենք Ազգային ժողով»,-ասաց նա:

Be the first to comment on "Ապրիլի 1-ից կարգելվի աջ ղեկով մեքենաների ներմուծումն ու գրանցումը. Կառավարությունը հաստատեց"

Leave a comment

Your email address will not be published.


*