«Մանվել Գրիգորյանն իր կոռուպցիոն դրսևորումներով երևի թե այս երկրի առաջին 100-ի մեջ էլ չի մտնի». Արթուր Գևորգյան

Այսօր Ազգային ժողովում պատգամավոր Արթուր Գևորգյանը լրագրողների հետ զրույցում՝ անդրադառնալով Մանվել Գրիգորյանի հետ կապված ԱԱԾ բացահայտումներին և պատասխանելով հարցին, թե արդյոք չի՞ կարծում, որ նախկին իրավապահ մարմինների անգործության շնորհիվ է, որ այսօր այսպիսի վիճակ ունենք, ասել է, որ նախկինում էլ նման բացահայտումներ եղել են, պարզապես այսպիսի արձագանքի չեն արժանացել: Հաջորդ հարցին՝ եթե բացահայտումներ եղել են, ապա ինչո՞ւ ձերբակալվածներ չեն եղել, պատգամավորը պատասխանել է. «Կարծում եմ՝ հիմա ունեն թույլտվություն՝ բռնել են, այն ժամանակ չեն ունեցել՝ չեն բռնել, բայց որ նման ինֆորմացիայի տիրապետել են, միշտ էլ եղել է»:

Վերջում Ա. Գևորգյանը հավելել է, որ Մանվել Գրիգորյանն իր կոռուպցիոն դրսևորումներով երևի թե այս երկրի «առաջին 100-ի մեջ էլ չի մտնի»:

Հիշեցնենք` Արթուր Գևորգյանը ՀՀԿ-ից և ՀՀԿ խմբակցությունից դուրս է եկել մայիս 29-ին: Նա Վլադիմիր Գասպարյանի փեսան է:

Be the first to comment on "«Մանվել Գրիգորյանն իր կոռուպցիոն դրսևորումներով երևի թե այս երկրի առաջին 100-ի մեջ էլ չի մտնի». Արթուր Գևորգյան"

Leave a comment

Your email address will not be published.


*


ԴԻՏԵԼ